深圳笔记本价格交流组

全广州最抵食嘅全牛宴,38蚊一只百威咁大嘅濑尿虾,仲有1蚊一支哈啤,真系抵食夹大件啊!

广州热门攻略2020-03-25 16:49:44

好多人都话,人係肚饿果阵就连一只牛都可以食落肚,但係係现实生活里面,我哋又有几时可以食到一只牛啊。不过最近就有小伙伴同我讲,係黄石西路果边有一间店可以食全牛宴,而且仲好抵食。讲到咁吸引,梗係啦啦林要小伙伴带我去啦!

未嚟过呢到嘅我好快就俾呢到嘅招牌吸引住,大大只全牛火锅宴,睇就知道呢到係食牛嘅好地方啦!入到胜记牛一牛,宽阔嘅用餐环境,木制嘅台凳,係到坐落真係好舒服。想要私隐D仲有装修别致嘅房间环境,真係家庭聚餐,朋友聚会嘅最好去处

对于食我好挑剔,听得人介绍食咩之余,自己都要揾D特色嘢食。而係牛一牛入门口嘅走道上就有好多菜色介绍,而且款款菜色都有晒介绍。

既然小伙伴叫得我嚟食全牛宴,当然就唔少得嘎啦!服务员上菜!!

全牛宴 168/围

作为店里面嘅主打菜式,呢到嘅全牛宴真係有好多出面冇得食嘅嘢。除咗常见嘅牛杂、牛肉,呢到仲有出边好少见嘅牛脚趾,一围落嚟,10种菜式,真係一家人食都食到搓肚。家阵仲要有特价,原价298嘅套餐,家阵只要168蚊就有交易啦!

呢到嘅汤底有清汤同埋浓汤两种唔同嘅选择,全部汤底入边都有红枣、虫草花熬制,所以滚起汤嚟都特别甜。因为我中意原汁原味食牛,所以我就点咗个清汤底。

咁难得有牛脚趾食,当然就要试试啦!

係汤到滚佢两滚,D牛脚趾食起身爽口得嚟又又D淋又有小小胶胶哋嘅质感,好过瘾。听讲呢个牛脚趾有好丰富嘅骨胶原,对人体好补嘎!

不过我最中意食嘅都係牛腩,啖啖肉食起身好过瘾,因为俾清汤滚过嘅原因,所以食起身。唔会好似出边果D牛腩咁太过咸,清清淡淡得嚟又够晒牛味

仲有仲有,食牛一定要食嘅牛肉,起片上个牛肉滑滑溜溜,未食就已经俾佢嘅外表吸引。

滚熟咗个牛肉够晒嫩滑,而且牛味十足,点埋呢到嘅酱油嚟食,真係外形满分、香味满分、味道爆灯!

当然呢个全牛宴仲有其他牛料食啦,唔讲咁多,即刻去片!

牛三星

牛血

牛肠

牛心

鲜牛柏叶

牛孖筋

牛心顶

黄牛仔宴 68蚊

有普通牛宴当然就会有黄牛仔宴啦!相比于一般嘅牛,黄牛仔嘅肉质更加嫩滑。呢到嘅黄牛仔宴用咗西关传统味道嚟制作,加上同鲜甜嘅蔬菜一齐嚟煮,食起身唔单止牛味十足,就连放係入边嘅蔬菜都吸收晒呢个煲嘅精华,食起身特别野味。

煲过嘅牛杂,因为吸收咗D汁嘅原因,食起身特别入味。

鲍鱼仔炆黄牛仔

黄牛仔煲就成日食,但係鲍鱼炆黄牛就真係好少听到喔。咁特别一于点个嚟食先。

满满嘅黄牛仔肉加上鲍鱼一齐炆,牛嘅味道加埋鲍鱼嘅鲜味食起身好鲜甜,嫩嫩滑滑嘅牛肉真係食到停唔到口啊!

除咗鲍鱼炆黄牛仔,呢到仲有黄牛仔炆水鱼同埋黄牛仔炆鸡食,几款选择总有一种适合你。

顺德啜鱼

食完牛想食其它?呢到一样有得食,大大条嘅顺德啜鱼都有得俾你食。啜鱼食起身唔单止够晒滑,而且仲好有鲜味,嚟到呢到真係唔可以错过。

呢到仲有好多超笋靓鱼,全部都係街坊价,鸭嘴鱼29.8/斤、水库大头鱼18.8/斤、水库鲩鱼16.8/斤,咁平真係要整多几条食先得啦!

108蚊水鱼/条+鸡/只+大鱼/条

新鲜鸡+水鱼+大鱼都係只要108蚊,即使係唔食牛嘅人都有其他嘢食,唔使望到自己眼甘甘,又冇嘢食啦!唔想食鱼?呢到仲有98蚊套餐,水鱼同鸡自己任搭3样份

长过百威嘅濑尿虾38蚊/只

咁长咁肥嘅濑尿虾,一律38蚊,抵!真係长过百威啤酒噶~咁大只濑尿虾最啱就係用嚟椒盐煮噶啦!


牛肉松炒饭


食得多肉,係时候要食D主食啦!我就点咗呢个牛肉松炒饭,香香嘅牛肉松搭埋粒粒分明嘅炒饭,食起身味道十足

1蚊1支哈啤

1蚊1支哈啤,全广州边到有?!嚟牛一牛就有啦!大大支都係只要1蚊,真係饮啤酒仲抵过饮茶啊!不过记得啊,啤酒係每晚9点之后嘅宵夜时段现有,唔好记错时间啊!

咁优惠嘅嘢食点可以停啊!呢到仲有秋冬进补最啱嘅牛鞭汤、酸菜鱼、红腰豆牛尾煲……样样都滋味十足,而且咁亲民嘅价格相信係广州都好难再係边到揾到噶啦,快D组队去食啦!



店名:胜记牛一牛

地址:广州市白云区黄石西路石岗牌坊左侧B1铺

电话:13431003103 13539332123

营业时间:每日17:00-凌晨3:00

人均:60蚊

公交:小坪站。742路,夜80路上半夜,夜80路下半夜,126路,254路,259路,265路,280路,291A路短线环线,291A路环线,291B路短线环线,291B路环线,425路,519路,524路,524路快,539路,556路,563路,830路,831路,841路,929路,高峰快线43路,高峰快线44路,高峰快线45路,高峰快线48路,高峰快线49路,高峰快线70路

Copyright © 深圳笔记本价格交流组@2017